Amedspor Kastamonu de 1-0 serkewt
Amedspor vera Kastamonuspor 1-0 serkewt û roj bi roj ver bi şampîyonîye şino.
AMİDA HABER – Xora Amedspor nika Grûba Sûre ya 2. ya TFFyî de lîder o. Amedspor ewro Kastamonu de Kastamonusporî dir ame têver û rayîrê şampîyonî de avantajêko pîl dest fîna. Futbolbazanê Amedsporî ra Dijlan û Batuhan semedo ke seqet bîy kadro de ca nêgirewtî.
Bi qerarê Heyetê Asayîşî yê Sporî yê Bajarê Kastamonu terefdarê Amedsporî nêgêrîyayê stadyûm. Rayberîya Amedsporî ra tena 40 kesî maç temaşe kerdî.
Gole Nêmeyo Yewin de Ameye
Amedspor pê formaya sipîye vejîya seha û deqaya diyîne de kewt vernî. Gola Amedsporî hetê Eyüp Oskanî ra ameye eştene. Nêmeyo yewin bi 1-0 qedîya. Nêmeyo diyîn de golêk nêameye eştene û maç bi 1-0 serkewtişê Amedsporî qedîya
Amedspor nika bi 77 pûanan grûba xo de lîder o. Pûanê Kastamonuspor 71 ê û mabênê taximê tewr nêzdî û Amedsporî de 6 pûanî estê.
Türkçe karakter kullanılmayan ve büyük harflerle yazılmış yorumlar onaylanmamaktadır.