AMİDA HABER- DEM Partî Dîyarbekir de se ra 64 rayî girewtbî Şaredarîya Bajarê Girdî ya Dîyarbekirî de revîzyonanê xo rê dewam kena.

Demê peyînî de 11 serekê daîreyan wazîfe ra ameybî girewtiş. Nika zî kadroyê qeyûmî û serekê DİSKİ wazîfe ra ame dûrîvistiş.

4 serrîyo ke serekê DİSKİ bi

Firat Tutşî 4 serrîyo ke serekê pêoyî yê DİSKİ bi û bi ameyîşê DEM Partî wazîfe ra ame girewtiş. Nuşteyê dûrîvistişî resa destê Tutşi. Goreyo ke ame zanayîş do wazîfeyêko şenik bidîyo ey. Mehmet Şerifoğlu tayînê herinda ey bi. Fırat Tutşi, demê qayûm Münir Karaloğluyî de bibi Mudirê DİSKİ.

Şaredarîya Girde rê di sekreterê neweyî

Heto bîn ra Şaredarîya Bajarê Girdî ya Dîyarbekirî rê, hetkarîyanê Sekreterê Pêroyî rê Reşat Bakan û Aziz Özdoğan ameyî tayînkerdiş.

Goreyo ke vajîyeno do hîna zaf serekê daîreyan û kadorê qeyûman wazîfe ra bêrê dûrîvistiş.