AMİDA HABER - Bi kafîleya Amedsporî zaf temsîlkarê sazîyanê sîvîlan, sîyasetmedarî û karsazî zî semedo ke hetkarî bidê ci bi tayarayêka xususî şîy Kastamonu.

Rewşa Amedsporî

Amedspor bi 74 pûanan grûba xo de lîder o, pûanê Kastamonusporî zî 71 o. Eke Amdspor nê maçî qezenc bikoi, rayîrê şampîyonî de avantajêko pîl qezenc keno.

Heto bîn ra Serekê Beledîyeya Kastamonuyî Hasan Baltaciyî zî bi vîdeoyêke peyam da û va; Amedspor tîya de mêmanê ma yo. Ma do weş şêrê vera înan û înan rind bikê mêman. Heto bîn ra Şaredarîya Bajarê Girdî yê Dîyarbekirî zî semedo ke şar bieşko maçê Amedsporî temaşe biko, semtê Kent Meydani û Kent Ormanî de ekranê girdî ca kerdî û şar uca de bêrê têhet û ê televîzyonanê girdan ra maçê Amedsporî û Kastamonusporî temaşe biko.

Maç siba Kastamonu de saete 15.00 de bêro kaykerdiş.