AMİDA HABER – Endamê Cemîyetê Başûr û Rojhilatî (GGC) 20ê Nîsane roja Şeme do kongreya xo ya îstînayî virazo. Kongre do saete 09.00 de qezaya Yenîşehîrî Sümer Park de dest ci biko û heta saete 17.00 dewam biko.

Serekê GGCyî Felat Bozaslan û heyetê ey do newe ra bibê namzed.Heta nika vera Bozarslanî lîteyêka namzetan hadre nêbîya.

GGC Teşrîna Peyêne ya 2023î de bi arêdayîşê îmzayan şibi kongreya îstîsnayî û Rojnameger Felat Bozarslan sey serekê GGCyî amebi weçînayîş.

Goreyê programê GGCyî hîrê serran ra rayêke, aşma Nîsane de do kongre bi mecbûrî bêra viraştene. Ayra kongreya newîye do 20ê Nisane de bêra kerdene.

Goreyê malumatê ke GGCyî pare kerdî û gongre denê çîyan ser o bêro vindertene:

1-Akerdiş û hûmaritiş

2-Weçînayîşê dîwanî

3-Wendişê Raporê Xebate û Wendişê Raporê Sehnayîşî

4-Wendişê Bîlançoyî

5-Rayberîye, Sehnayîş û Weçînayîşê Heyetê Mişewreyî yê Berzî

6-Waştiş û Qayîlbîyayîş