AMİDA HABER- Şaristanê Hatayî badê erdlerzê 3ê Sibata 2023î birînanê xo pîşeno. Deşta Amikî de demê berardişî dest pêkerdo. Diyarbekir o ke betalê ey zaf ê ra zî seyan kesî semedo ke Deşta Amikî de bişuxulê verê xo dayê Hatay. Kesê ke Dîyarbekir ra şinê yewmîyaya înan hezar û 500 TL ya. Labelê kar zehmet o. Karkerî erazîya çar donime ser de maydanoz çînenê.

‘Tewr tay 150 donime berardiş kenê’

Azad Arslano ke Dîyarbekir ra semedê çînayîşê maydanozan şîyo Hatay vano ke “Ma tîya de şeş aşmîyo ke maydanoz çînenê. Ma demê zimistanî de şinê Rojawanê Tirkîya. Karê ma zaf zehmet o. Ma hetanî peynî berardişîbi qasê 150 donime maydanoz çînenê. Ekîba ma 12 kesan ra yena pê. Ma pêro pîya tîya de şuxulîyenê".

Rojane çar donime

Mehmet Tarım zî dano zanayîş ke, çînayîşê maydanozî karanê bînan ra zaf zehmetin o û wîna va, “ Ez Dîyarbekirî ra her serre semedê çînayîşê maydanozî yena Hatay. Ma qasê hewt aşmî tîya de manenê. Karêko zehmet o. Goreyê karanê bînan ra no kar hîna zor o. Ma rojane 4 donime maydanoz çînenê. Heqê ma zî goreyê xebata ma bedilîyeno.