AMİDA HABER- Hetêk ra warê weşîye de problemî dewam kenê, hetêk ra zî Wezaretîya Weşîye aşkere kerd ke, di qezayanê Dîyarbekirî de do nêweşxaneyê neweyî bêrê viraştiş. Aşkere bîyo ke, Qezaya Dîyarbekirî Pîranî de kapasîteya ci 60 nivîn, Hêni de zî kapasîteya ci 35 nivîn nêweşxaneyê dewlete do bêrê viraştiş.

Goreyo ke aşkere bîyo, semedê xebata viraştişê nêweşxaneyan hetê Mudirîya Weşîye ra xebate dewam kena û nika ra qezaya Dîyarbekirî Pîranî de kapasîteya ci 60 nivîn xebata viraştişê nêweşxaneyê dewlete dest pêkerda û mîyanê nêweşxaneyî de do odayê nêweşan, uniteya sekeratî û emelîyatxaneyî bibê.

Vajîya ke, qezaya Dîyarbekirî Hêni de zî xebata viraştişê nêweşxaneyê dewlete dest pêkerda, eke no nêweşxane bêro viraştiş do şar tira zaf feyde bivîno.